Informa Kanalo Abonu.Com
-*--------------------------------------------------------------------------

ĈIUTAGAJ AKTUALAĴOJ DE POLA RADIO


La unia komisaro por la vastigo-aferoj Guenter Verheugen  post la
renkontiĝo kun ĉefministro Leszek Miller en Varsovio certigis, ke la
kandidatantaj landoj  membriĝos en la Eŭropa Unio antaŭ la juniaj balotoj
al la Eŭropa Parlamento en la 2004-a jaro. Li tamen ne volis sciigi la
precizan daton de la aliĝo. La komisaro informis, ke pri ĉi tio debatos la
ĉefoj de la diplomataro de la 15-opo la plej proksiman lundon.

 Kadre de la debatoj de la Partio de Eŭropaj Socialistoj okazantaj en
Varsovio komisaro Guenter Verheugen atentigis, ke "la Unio dum la nunaj
intertraktoj pri la financaj aferoj devas esti elasta kaj malavara. Ne temas
tamen  pri  mon-donacoj al malriæaj fratoj en Eŭropo. La Unio
realigas nun viziado-projekton kaj la avantaøoj pli poste estos
ambaŭflankaj"- li aldonis.

 Lige kun la alvenantaj el Bruselo signaloj pri la eventuala prokrasto de la
dato de nia membriĝo en la Eŭropa Unio ĉefministro Leszek Miller
konstatis, ke  se ĉi tiuj informoj konfirmiĝos tiam estos necesa diskuto
kun la landoj de la 15-opo pri la eventualaj konsekvencoj, ankaŭ financaj -
de ĉi tiu decido. La kabinet-estro diris, ke ĉi tio ligiĝus kun la
malgrandiĝo de niaj kotizoj en la unian buĝeton en la unua jaro de nia
membriĝo. Li samtempe substrekis, ke ĉi tiun decidon povas alpreni nur
ĉiuj ŝtatoj-membroj de la 15-opo.

 La Eŭropa Unio decidis proponi al Pollando fermon de la
aliĝo-intertraktoj en la sfero de konkurenco, sed sur iom malpli bonaj
kondiĉoj por investantoj en la specialaj ekonomiaj sferoj ol  Pollando
atendis. La ĉefa intertraktanto de Pollando kun la Unio -Jan Truszczynski
pli frue sugestis, ke Pollando en tia situacio  povas ne konsenti fini la
intertraktojn pri ĉi tiu afero. Temas ĉefe pri la kondiĉoj de la publika
helpo por grandaj investantoj en specialaj ekonomiaj sferoj, kiuj akiris
agad-permeson jam en la 2000-a jaro. Pollando strebis elbatali por ili
helpon egalan al 75 procentoj de la valoro de la investaåoj. La 15-opo
proponas nur 50 procentojn.

 Ĉirkaŭ mil agrikulturistoj el la agrikulturaj rondoj protestis ĵaŭde
antaŭ la  reprezentejo de la Eŭropa Komisiono en Varsovio. Ili postulis
pli bonajn kondiĉojn por la pola agrikulturo ol proponas la Unio. Laŭ la
prezidanto de la agrikulturaj rondoj Wladyslaw Serafin la sistemo de
neplenaj alpagoj  dum 9 jaroj rezultigos enkondukon de malegalaj
konkurenco-principoj kaj forigon de polaj agrikulturistoj el la kohera
agrikultura merkato de la Eŭropa Unio. La delegacion akceptis  ambasadoro
de la Eŭropa Komisiono Bruno Dethomas.

 Certigi al la polaj agrikulturistoj konformajn produktado-limigojn  kaj
kondiĉojn ebligantajn konkurenci sur la eŭropunia merkato -  postulas  la
Pola Agrikultura Konsilantaro en la alvoko al la pola registaro kaj la ĉefa
pola intertraktanto. En sia alvoko la membroj de la Pola Agrikultura
Konsilantaro konfesis. ke kun la integriĝo-procezo ili ligis la esperojn
modernigi kaj restrukturigi  la polan agrikulturon. Dume  tamen oni proponas
malfermiĝon de la pola merkato rilate al la eŭropuniaj varoj ĉe samtempa
preteco-manko de la Unio  akcepti la polan eksporton. Ankaŭ la
vic-ĉefministro, ministro por la agrikulturo Jaroslaw Kalinowski
substrekis, ke Pollando ne povas eniri la Union por la prezo de degrado de
la pola agrikulturo. Li substrekis, ke la fundamento de la Eŭropa Unio, la
fundamento de la kohera merkato estas la egalaj konkurenco-kondiĉoj.
-*--------------------------------------------------------------------------
Malabonu: http://abonu.com/member/unsub?grp=socio.polonia

http://abonu.com/                                mailto:demandu@abonu.com