Informa Kanalo Abonu.Com
-*--------------------------------------------------------------------------


   align="center">
       ESPERANTO
   [http://www.radio.com.pl/polonia/esperanto.asp]  ĈEFPAĜO
   [http://www.wrn.org/ondemand]  REAL AUDIO
       ĈIUTAGAJ AKTUALAĴOJ
   Ĉefministro  Leszek  Miller  kaj  vicĉefministro, financministro
   Grzegorz  Kolodko  transdonis  al la prezidanto de la Sejmo, Marek
   Borowski   la  projekton  de  la  venontjara  buĝeto.  Ĝia  unua
   laŭtprezento  okazos  la 11-an de oktobro. Laŭ Marek Borowski la
   Sejmo sukcesos akcepti la leĝon tiel, ke ĝi enviviĝu la 1-an de
   januaro.
   En  la  Ministerio por la eksterlandaj aferoj reprezentantoj de la
   registaro  komencis  konsultojn kun agrikulturistaj sindikatoj pri
   ŝango  de  la pola, intertrakta starpunkto koncerne agrikulturon.
   Morgaŭ   diskutos  ilin  la  registaro.  Origine  la  intertrakta
   starpunkto  de  Pollando koncerne agrikulturon, kiu kreiĝis en la
   1999-a  jaro premisis 100-procentajn alpagojn por agrikulturistoj.
   Aliflanke  enkondukaj proponoj de la Eŭropa Komisiono antaŭvidas
   apenaŭ  25 procentajn - en la unua jaro de la membreco dePollando
   en la Unio.
   Ĉefministro  Leszek  Miller  denove  certigis,  ke  lia registaro
   klopodos  reintertrakti  kun  Bruselo la altecon de la aldonvalora
   imposto   koncerne   loĝejkonstruadon   por   malaltigi  ĝin  de
   interkonsentitaj  22 procentoj ĝis 7. La imposton en la alteco de
   22  procentoj  interkonsentis  kun  la  Eŭropa  Unio  la  antaŭa
   registaro de Jerzy Buzek.
   Prezidento Aleksander Kwasniewski pritaksis, ke la proponita de la
   ĉefministro   dato  de  la  referendumo  koncerne  membriĝon  de
   Pollando  en  la  Eŭropa  Unio  estas bona, sed unue necesas fini
   intertraktojn  kun  la  Unio. Leszek Miller esprimis lastsabate la
   opinion,  ke  la  aliĝreferendumo  povus  okazi  la 11-an de majo
   venontjare.
   La  nova prezidanto de ``Solidareco'', Janusz Sniadek deklaris sin
   kontraŭ   la  situacio,  en  kiu  profito  kaj  interesoj  de  la
   fabrikposedantoj estas la unusolaj motivoj de ekonomiaj kaj sociaj
   decidoj.  Sniadek  deklaris  tion post sia vizito en la fabriko de
   kabloj  en  Ozarow,  kie regas malfacila situacio de la anaro, pri
   kiu li volis atentigi la publikan opinion.
   En  Varsovio  komenciĝis  denove  proceso  koncerne la plej faman
   skandalon,  ligitan  kun  la  Fonduso  por  la  Priservado  de  la
   Eksterlandaj Ŝuldoj. La proceso rekomenciĝis pro la ŝango de la
   konsisto  de  la  verdiktantaro.  Laŭ  la prokuroraro en la jaroj
   1981-91 la fisko perdis 354 milionojn da zlotoj pro alproprigo kaj
   distribuo  de mono en maniero malkonforma al la leĝaro, por celoj
   ne ligitaj kun la destino de la Fonsuo.
   Laŭ  invito  de policistoj el Krakovo-regiono en Krakovo faras la
   viziton  la  estro  de  la  interna fako de la novjorka, federacia
   polico,  Charles Campisi. Li ia. informis, ke nur la nula toleremo
   por  la  deliktuloj  ebligas efikan kontraŭbataladon de deliktoj.
   Dank'  al tio antaŭ 9 jaroj oni sukcesis je preskaŭ 63 procentoj
   malatigi  krimojn  en  Novjorko.  Laŭ  Charles Campisi la recepto
   estas simpla - necesas reagi eĉ kaze de plej etaj deliktoj.
   La   22-jaraĝa   Grzegorz  Krawiec  el  Przemysl  (la  sudorienta
   Pollando)  akiris  la  unuan  premion  en  Internacia  Konkurso de
   Klasika  Gitaro  en Vieno, dediĉita al la memoro de Karl Schleit,
   organizita  de  la  tiea  universitato  de  muziko  kaj  arto.  La
   rivaladon  partoprenis  35  gitaristoj  el  17  landoj  malpli  ol
   30-jaraĝaj.  La  pola  gitaristo  estis  la  plej  juna. Grzegorz
   Krawiec akiris monpremion kaj gitaron, faritan de aŭstra majstro,
   Bernd  Holtzgruber.  Li estis krome inivitita koncerti en Aŭstrio
   kaj Germanio.
    (C) 2000 PR S.A.
-*--------------------------------------------------------------------------
Malabonu: http://abonu.com/member/unsub?grp=socio.polonia

http://abonu.com/                                mailto:demandu@abonu.com