Informa Kanalo Abonu.Com
-*--------------------------------------------------------------------------


   align="center">
       ESPERANTO
   [http://www.radio.com.pl/polonia/esperanto.asp]  ĈEFPAĜO
   [http://www.wrn.org/ondemand]  REAL AUDIO
       ĈIUTAGAJ AKTUALAĴOJ
   La  dua  ,  lasta  tago  de  la debatoj de la defendo-ministroj de
   NATO-ŝtatoj  en  Varsovio  estis  dediĉita  al  la kunlaboro kun
   Moskvo.   Al   la   debatantaj   19   ministroj  aliĝis  la  rusa
   defendo-ministro  Siergiej  Iwanow.  La  debatoj  estis dediĉitaj
   unuavice  al la internacia situacio kaj al la komunaj pac-operacoj
   de  NATO  kaj  Rusio.  Laŭ  la  ĝenerala  NATO-sekretario George
   Robertson  la  ministroj  tre  detale interkonsentis la reciprokan
   kunlaboron.
   La  ministro  por  la  eksterlandaj aferoj Wlodzimierz Cimoszewicz
   konstatis,   ke  Pollando  estas  konvinkita,  ke  Irako  disponas
   almenaŭ pri biologia kaj emia armilaro. La pola ministro aldonis,
   ke  en Irako regas diktatoro, kiu neglektas la decidojn de UNO kaj
   kreas riskon por la mondo.
   En la Reĝa Kastelo en Varsovio renkontiĝis ministroj respondecaj
   pri  la  eŭropa  integriĝo  en  la  ŝtatoj  kandidatantaj al la
   Eŭropa   Unio.   Pri   la   preparoj  al  la  membriĝo  diskutas
   politikistoj  el  Ĉeio, Cipro, Estonio,Hungario, Litovio, Latvio,
   Malto, Pollando, Slovakio kaj Slovenio.
   Pollando  dum  unu  jaro  prezidos  la  Sistemon de la Kontrolo de
   Raketaj  Tenologioj,  kies celo estas antaŭmalhelpi la vastigadon
   de  varoj  kaj tenologioj, ebligantaj konstrui transporto-rimedojn
   de la amaspereiga armilaro.
   La  komisaro  de la Eŭropa Unio por la agrikulturo Franz Fischler
   kritikis   la   postulon   de   Pollando   konservi  doganojn  por
   agrikulturaj   produktoj   en   la  provizora  tempo,  kiam  polaj
   agrikulturistoj ankoraŭ ne ricevos plenajn rektajn alpagojn el la
   Eŭropa   Unio.   Ĉi   tiu   postulo   troviĝas   en   la   nova
   intertrakto-starpunkto de Pollando koncerne agrikulturon.
   La  ĉefa  celo  de  la  vizito  en Moskvo de la vic-ĉefministro,
   ministro  por la agrikulturo Jaroslaw Kalinowski estas kreskigi la
   polan  eksporton  de  agrikulturaj  kaj  nutraĵaj varoj al Rusio.
   Verŝajne estos ankaŭ priparolitaj la ebloj de la interŝanĝo de
   polaj nutraĵoj je la rusa gaso.
   Laŭ  la iniciato de deputito Marcin Libicki la grupo de deputitoj
   al  la  Parlamenta Asembleo de la Konsilantaro de Eŭropo alprenis
   marde  deklaracion  kondamnantan  "atencojn  kontraŭ liberecon de
   religio  en  Rusio".  La  deklaracion  subskribis 33 membroj de la
   Asembleo,  kiu konsistas el pli ol 300 delegitoj el la parlamentoj
   de la landoj-membroj de la Konsilantaro de Eŭropo.
   La  superulo de la katolika eklezio en Rusio -ĉefepiskopo Tadeusz
   Kondrusiewicz,  kiu venis al Lublino por kongreso organizita de la
   Katolika  Lublina Universitato esprimis la opinion, ke la agado de
   la  rusaj  aŭtoritatoj  rilate  al  katolikaj  pastroj minacas la
   funkciadon  de la eklezio en Rusio. La kongreso estas dediĉita al
   "Kristanismo  en  la  dialogo  de  kulturoj sur la terenoj de Pola
   Respubliko".
   En  la  varsovia  Centro de Nuntempa Arto okazos laŭvica koncerto
   kadre  de  la  Festivalo "Varsovia Aŭtuno". Prezentiĝos Trio Pro
   Contemporania  el  Rumanio. La ensemblo utiligas diversajn specojn
   de la nuntempa muziko kaj kunlaboras kun dancistoj, pentristoj kaj
   aktoroj.
    (C) 2000 PR S.A.
-*--------------------------------------------------------------------------
Malabonu: http://abonu.com/member/unsub?grp=socio.polonia

http://abonu.com/                                mailto:demandu@abonu.com