Kun senchesa profundigho de reformado kaj pordmalfermo kaj iom-post-ioma plibonigho de la materia vivo de la china popolo, la pubereca edukado nun estas rigardata kiel urgha socia laboro. Oni malkontentas la antauan seksan edukadon kaj forigas miskomprenojn en tiu kampo per scienca, humanisma kaj sana eksplikoj.

Historio de la pubereca edukado

    En la primitiva socio de Chinio la seksa edukado strikte rilatis al adoro al la seksorganoj. En la sklava socio aperis privata posedsistemo kaj la patriarka socio anstatauis la matriarkan kaj seksumado ne povis esti farata publike kaj la seksaj aferoj farighis sekretaj kaj la seksa edukado fermighis. En la feuda socio oni pledis por chasteco morale katenanta virinojn.

    En 1912 la internacia higiena konferenco prezentis koncepton pri seksa edukado, kio markis la oficialan naskighon de la seksa edukado. Fine de la 19-a jarcento Tan Sitong, fama china reformisto, laute alvokis, ke oni ne tenu la seksajn problemojn en sekreto, sed faru sciencan seksan edukadon al la gejunuloj.

    En 1922 profesoro Zhang Jingsheng de la Pekina Universitato skribis en sia verko "Legho pri la estetika socia organizo": "La seksa edukado koncernas la homan vivon, kaj tiu problemo estas pli granda ol sciencoj kaj artoj."

    En la 20-a jarcento fama literaturisto kaj pensulo s-ro Lusin iam lekciis pri genera sistemo kaj seksaj scioj en la fiziologia leciono de normala lernejo de Hangzhou.

    En 1939 "Seksa psikologio" de brito Havelock Henry Ellis estis chinigita, kio estis tre utila al la seksa edukado en Chinio.

    Post kiam fondighis la China Popola Respubliko en 1949 Chefministro Zhou Enlai trifoje substrekis, ke oni instruu al la gejunuloj higienajn sciojn pri pubereco por ke ili povu sane kreski.

    En la "Portempaj difinoj pri higiena laboro en la mezaj kaj elementaj lernejoj", publikigita de la china registaro fine de 1979, legighas enhavo pri pubereca higiena edukado de la gejunuloj.

    En la 80-aj jaroj en la superaj mezlernejoj de Chinio oni funkciigis kurson "Loghantaro".

    En la 90-aj jaroj fama china "Prelego pri seksoj" estis publike distribuata en Chinio.

Nuna stato de la pubereca edukado

    En multaj elementaj lernejoj de Chinio oni faras elementan seksan edukadon tiam, kiam la sekundaraj seksaj trajtoj aperas che la geknaboj. En 1998 oni faris landskalan enketon kaj trovis, ke la unua menstruo aperas che la chinaj knabinoj, kiam ili aghas meznombre 13 jarojn, kaj la knaboj polucias, kiam ili estas 14-jaraj. Tio montras, ke la geknaboj plejparte bezonas seksan klerigadon, kiam ili lernas en elementa lernejo.

    En la lastaj jaroj la seksa edukado al la geknaboj tendencas en sana direkto. La gazetaro jam chesis distrumpeti, ke masturbado estas kulpo, kio estas grava por la psikologia sano de la junaj geknaboj.

    En 1998 oni faris enketon al studentoj kaj la rezulto montris, ke 39% de ili iam faris masturbon kaj nun ili povas trakti tiun problemon en sana psiko.

    En 1998 oni faris grandskalan enketon al 3 000 mezlernejanoj en Pekino, Shanhajo kaj Kantono kaj informighis, ke 53% de iliaj seksaj scioj devenis de ordinaraj gazetoj, 19.4% de instruistoj, 16.7% de kamaradoj kaj 4.7% de erotikaj legajhoj.

    Por solvi seksan problemon 37.2% de la homoj konsultas legajhojn, 20.6% kunlernantojn, nur 7.3% siajn gepatrojn, 13.5% fakulojn kaj 12.2% shlosas tiun demandon en sia koro.

    La enketo montras, ke la geknaboj plejparte akiras la seksajn sciojn de normalaj kanaloj.

Perspektivo de la pubereca edukado en Chinio

    En Chinio la plej grava tasko en la pubereca edukado estas nuligi la eraran komprenon ideologian kaj publikan kaj krei bonan socian etoson tiukampe. La seksa edukado al la gejunuloj estas enhavoricha. Ghenerale ghi havas jenan enhavon:

    La fiziologiaj scioj pri seksoj estas bazo de la seksa edukado. Ghi ampleksas strukturon kaj funkciojn de la geviraj seksorganoj, la unuan kaj sekundaran seksajn trajtojn, menstruon de knabinoj, polucion de knaboj, seksan reakcion, seks-medicinan sanprotektadon k.a.

    Seksa psikologio estas destinita por esplori la psikologian staton kaj ghiajn regulojn en la seksaj aferoj. Ghi ampleksas la seksan psikologian staton, seksan amon, elekton de amat(in)o, aman psikologion, seksan nenormalecon, seksan krimagon ktp.

    Leghobservado koncernas homan konduton en la socia vivo, kiu enhavas seks-moralajn principojn -- sciencon, evoluon, juston kaj moralon por amafero, geedzigho kaj familio.

    Oni devas lerni, koni kaj observi la leghojn kaj ghuste trakti diversajn problemojn, utiligante la leghon pri geedzigho, konstitucion pri egalrajteco de la geviroj, geedzigho, familio, patrino kaj infano kaj aliajn koncernajn kodojn en la kriminala legho.

    La venereaj malsanoj kaj aideso serioze minacas la homan sanon, tial la koncernaj scioj estas gravegaj por la gejunuloj. Ili devas koni la morbokvanton de tiuj du malsanoj, iliajn simptomojn kaj preventon.

    La seksa edukado de aliaj landoj montras, ke sola klerigado pri seksaj scioj estas ne suficha kaj ghi devas montri sin en la tuta homa edukado.

    La fina celo de la seksa edukado estas helpi la gejunulojn en starigo de ghustaj konceptoj pri la homa vivo, valoro, amo kaj nobla moralo kaj kontribuo al la socio kaj ghusta traktado de la seksaj problemoj, por ke oni vivu sane kaj feliche.

    Chinio pledas por kompleta kaj ghustatempa edukado al la gejunuloj per radioelsendo, TV-elsendo, muziko, literaturaj revuoj, jhurnaloj, kaj aliaj legajhoj, por diskonigi seksajn sciojn, fondi ghustan koncepton pri sekso kaj levi la kvaliton de la homa vivo.

    Familio, kiel fundamenta unuo de la homa socio, estas grava por doni seksajn sciojn. La gepatroj estas la unuaj instruistoj de la infanoj kaj la infanoj estas spegulo de la gepatroj. La harmonia kaj psikologia sano de la gepatroj kaj la tuta familio estas grava bazo de la sana disvolvigho de la infanaj seksoj. La seksaj scioj de la gepatroj estas tre valoraj por akceli la sanan kreskon de la infanoj pri seksoj, tial estas necese doni al la gepatroj lecionon pri seksaj scioj.

    En la urboj la civilizacia aktivado en la loghkvartaloj estas utila por seksa edukado al la gejunuloj.