Esperanto estas mirinda lingvo. Dank' al ghi, mi havas mirindan vivon.

    En la lasta marto mi grimpis Himalajon ghis la alteco de 4000 metroj dum la Himalaja Esperanto-Renkontigho. Dum la 1-a Mongola Kongreso de Esperanto okazinta en julio 2002, chevalido estis donacita al mi. Post UK en Fortalezo mi vojaghis al akvofalo Iguacu. En la 3-a Azia Kongreso de Esperanto en Seulo mi prezidis kiel prezidanto de la Komisiono de Azia Esperanto-Movado (KAEM).

    En la lasta majo aperis mia kvina Esperanto-libro "Raporto el Japanio 5", temanta pri diversaj aferoj okazintaj en la jaro 2001 en Japanio. En tiu chi majo mi volas aperigi mian sesan libron de la serio. Dank' al Esperanto nun mi estas verkisto. En oktobro europaj amikoj helpis min kolekti chiujn 96 specojn de euro-moneroj. Kalendaro pri la moneroj estas tre bele farita kaj bonvenigita.

    Tiamaniere, dank' al Esperanto, novaj kaj mirindaj mondoj sinsekve aperas antau mi, tamen nur malmultaj homoj spertas tiun mirindajhon. Estas nia misio disvastigi Esperanton en la mondo kaj por tio mi volas vian plian kunlaboron. Ni kune laboru por nia brila estonteco!

(Hori Yasuo)