La 4-an de decembro finighis la unua plena sesio de la Kunordiga Komisiono de la 29-a Internacia Olimpika Komitato. En la gazetara konferenco okazigita de ghi kaj la Pekina Organiza Komitato por Olimpikoj ghi plene konfirmis la elstaran laboron de la Pekina Organiza Komitato por Olimpikoj kaj koncernaj registaraj departementoj de Pekino. La Pekina Organiza Komitato por Olimpikoj diris, ke en la venontaj kelkaj monatoj ghi plene efektivigos la "Agadprogramon de la Pekinaj Olimpikoj", komencos projektadon kaj adjudikon de konstruado de chefaj stadionoj kaj sporthaloj de la Olimpikoj, komencos la merkatan ekspluaton kaj faros decidon kaj publikigon de la emblemo de la Olimpikoj en 2008.

    Prezidanto de la Kunordiga Komisiono Verbruggen opiniis, ke la kunveno estas fruktodona. Li ekzemplis, ke Pekino jam fondis datenbankon de 71 hoteloj kaj tio signifas, ke Pekino atingis valoran progreson jam 6 jarojn antau la 29-aj Olimpikoj. Li diris, ke lau la principo de la Internacia Olimpika Komitato pri shparemo oni racie limigos la skalon de la stadionoj kaj sporthaloj por la 29-aj Olimpikoj kaj donos atenton al ilia uzado post la Olimpikoj. Krom tio la komisiono ankau alte taksis la median konstruadon de Pekino.

Revenu