___________________________________________________________________________

 T E J O - A K T U A L E                        N-ro 158 (21 decembro 2004)
___________________________________________________________________________

 Senpaga informletero de Tutmonda Esperantista Junulara Organizo
 <http://www.tejo.org>
___________________________________________________________________________

1. KONTRIBUU AL KONTAKTO: SKRIBU PRI VIAJ ORGANIZAĴOJ
2. AGU KONTRAŬ ŜOVINISMO KAJ POR SENPERFORTO!
3. NIA LANDA SEKCIO EN ARGENTINO KRESKAS
4. SUKCESA KURSO EN TAĜIKIO
5. MANĜI, TRINKI KAJ MEMBRI EN TEJO
___________________________________________________________________________

1. KONTRIBUU AL KONTAKTO: SKRIBU PRI VIAJ ORGANIZAĴOJ

Unu el la temoj de Kontakto 1:2005 estas ORGANIZAĴOJ. Interesas
nin precipe organizaĵoj ne-Esperantaj, kaj ankaŭ kunlaboro
de Esperantaj organizaĵoj kun ne-Esperantaj. Povas temi 
pri senprofitcelaj, registaraj, neregistaraj, religiaj, politikaj 
kaj aliaj organizaĵoj. Viaj kontribuoj EGE necesas kaj bonvenas! 
La limdato estas la 15a de januaro 2005.
Kontaktu: <kontakto@tejo.org>, aŭ poŝte: 
UA-01030, Kiev-30, p/k 89, Ukrainio. 
___________________________________________________________________________

2. AGU KONTRAŬ ŜOVINISMO KAJ POR SENPERFORTO!

Je nia alvoko (por raportado pri via agado kontraŭ ŝovinismo
kaj por kulturo de paco kaj senperforto) venis nur unu-nura reago.
Ĝi venis ne de landa sekcio aŭ regiono, sed de redakcio de 
tutmonda periodaĵo. Ni sincere bedaŭras tristan rezulton de tiu ĉi 
nia alvoko. Tamen ĉiam indas pripensadi manierojn, kiel eki kaj kreskigi
kunlaboron kun ne-Esperantaj organizaĵoj por strebo al komunaj celoj:
pli paca kaj harmonia mondo pere de toleremo kaj komprenemo.
Estas grave, ke ni videbligu ĉi-specajn agadojn de esperantistoj.
Referencoj (ebla inspiriĝo):
<http://www.decade-culture-of-peace.org> kaj <http://www.icare.to>
_____________________________________________________________________________

3. NIA LANDA SEKCIO EN ARGENTINO KRESKAS

Ĝi sukcesas aktiviĝi sur pluraj kampoj. En januaro 2005 ĝi partoprenos
en la plej grava skolta renkontiĝo en la tuta Ameriko: La 12a Tutamerika 
Skolta Ĵamboreo, ĉi-foje en  San Rafael, suda urbo de la provincio 
Mendoza, en la centrookcidento de Argentino. ArgentEJO ankaŭ laboras 
por reenkonduki Esperanton en argentinaj universitatoj, ekzemple
en la la Nacia Universitato de Patagonio. ArgentEJO preparas
ankaŭ retpaĝon pri Esperanto kaj pri Argentino. Dumnune eblas
ĝiajn membrojn kontakti kaj helpi en la aktiviĝo pere de la
retpoŝta diskutlisto trovebla ĉe
http://ar.groups.yahoo.com/group/argentejo
_____________________________________________________________________________

4. SUKCESA KURSO EN TAĜIKIO

Saidnabi Saidilhomzoda el Taĝikio informas, ke en sia medicinista
universitato li sukcesis organizi kurson de Esperanto. En tiu kurso
magistro de la 3-a studjaro Saidnabi instruas al kelkaj gestudentoj
kaj al profesorino Aĥrorova, kiu kelkajn jarojn antaŭe instruis al
Saidnabi oftalmologion. Aktiviĝo de studenta E-movado en la eksa
sovetia respubliko iĝis ebla dank' al partopreno de Saidnabi en
IJK-2004, kion helpis TEJO kaj UEA.
_____________________________________________________________________________

5. MANĜI, TRINKI KAJ MEMBRI EN TEJO

Tri bazaj nepraĵoj por povi ĝui la vivon. Ni provu mencii kelkajn
kialojn, kial bonas esti individua membro en TEJO, kvankam ili
multegas: vi estas en kontakto kun tutmonda juna E-komunumo pere
de la revuo Kontakto, kiun ĉiu membro ricevadas; same ankaŭ pri
TEJO Tutmonde. Vi ankaŭ povas pli favorpreze aliĝi al IJK,
la plej granda renkontiĝo de junaj esperantistoj el la tuta
mondo. IJK okazos 2005-07-31/2005-08-07, kaj ĉion alian vi 
trovos ĉe
<http://www.tejo.org/ijk/>
kaj ĉion pri aliĝo al TEJO ĉe
<http://www.uea.org/alighoj/index.html>
_____________________________________________________________________________

TEJO-AKTUALE - Senpaga informletero de TEJO

 La ideo: <http://www.esperanto.org/tejo/publikajhoj/aktuale/koncepto.html>.
 La arkivo: <http://www.tejo.org/tejo-aktuale>.
 La aliĝo: <http://www.abonu.com/catalog/info.tejo>
 Informojn kaj komentojn sendu al <aktuale-red@tejo.org>.
 La teamo de TEJO-aktuale estas:
 Jevgenij GAUS kaj Martin MINICH.
 Tiun ĉi numeron redaktis Martin MINICH.