___________________________________________________________________________

 T E J O - A K T U A L E                        N-ro 144 (1 julio 2004)
___________________________________________________________________________

 Senpaga informletero de Tutmonda Esperantista Junulara Organizo
 <http://www.tejo.org>;
___________________________________________________________________________

1. SLAVIK IVANOV ELEKTIĜAS AL LA UEA-KOMITATO!!!
2. VIA KUNLABORO URĜE KAJ TUJ BEZONATA POR LA IJK-GAZETARKAMPANJO!!!
3. LA UNUA HISTORIA NACIA KONGRESO DE NEJO
4. ORATORA KONKURSO DE UEA
5. TA-FERIO
__________________________________________________________________________

1. SLAVIK IVANOV ELEKTIĜAS AL LA UEA-KOMITATO!!!

La voĉdonoj estas jam kalkulitaj kaj montriĝis ke Slavik IVANOV, aktivulo 
de TEJO kaj E@I, eniros la UEA-Komitaton kiel B-Komitatano (komitatano 
elektita de la individuaj membroj)! Gratulegon, Slavik! Gratulojn ankaŭ al
la kvin aliaj B-Komitatanoj hodiaŭ elektitaj: Istvan ERTL kaj Jukka
PIETILAINEN (novaj komitatanoj), kaj  Amri WANDEL, Marije BELOŜEVIĈ kaj 
LEE Chong-Yeong (re-elektitaj).  
___________________________________________________________________________

2. VIA KUNLABORO URĜE KAJ TUJ BEZONATA POR LA IJK-GAZETARKAMPANJO!!!

Partoprenontoj de la 60-a IJK en Kovrov estas nun urĝe petataj viziti la
paĝon <http://lingvo.org/xx/4/783>; kaj aŭ preni la pretan version de la
gazetarkomuniko en via lingvo, aŭ, se via-lingva versio ankoraŭ ne
ekzistas, traduki ĝin en vian lingvon, enmeti viajn datumojn kaj sendi
ĝin kun konvena kovroletero al via loka (urba, kvartala, k.a.) ĵurnalo
aŭ universitata/lerneja gazeto. Se vi, post kiam vi vizitos la paĝon,
ankoraŭ havas specifajn demandoj, vi povas kontakti Marko LINS (Brusela
Komunikad-Centro) <marko.lins@lingvo.org>. Ni ĉiuj kunlaboru por ke la
ĉi-jara IJK estu sukcesega ankaŭ laŭ publik-informado!
_____________________________________________________________________________

3. LA UNUA HISTORIA NACIA KONGRESO DE NEJO

La Nepala Esperanto-Junulara Organizo okazigis sian unuan nacian kongreson
en Kathmanduo la 26-an de junio. Partoprenis proksimume 75. La ĉefa gasto
estis Prezidanto de Nepala Esperanto-Asocio, S-ro Mukunda Raj PATHIK. En la
dua parto de la programo okazis la elekto de nova komitato. 48 gejunuloj
partoprenis en dua parto ĉar oni devis esti malpli ol 30-jaraĝa por esti
kandidato kaj elekti siajn deziratajn reprezentantojn. Ĉiuj membroj promesis
pli aktive labori por la venonta Azia Kongreso okazonta en Nepalo en 2005.
_____________________________________________________________________________

4. ORATORA KONKURSO DE UEA

En la 89-a Universala Kongreso de Esperanto en Pekino denove okazos Oratora
Konkurso por la junularo. Rajtas partopreni nur gejunuloj ĝis 30-jaraj, kiuj
aliĝis al la kongreso (kandidatoj devas skribe anonci sin al estrarano 
Humphrey TONKIN almenaŭ unu tagon antaŭ la konkurso). La ĉi-jaraj temoj
estas: (a) Lingva egaleco en internaciaj rilatoj,(b) Libera senpaga kopiado
de muziko: Kion fari? (c) Kial lerni Esperanton? Premio: tre valoraj libroj
kaj la gajnintoj estos anoncitaj en oficialaj UK-kunsidoj kaj en la revuo
"Esperanto". <www.uea.org
_____________________________________________________________________________

5. TA-FERIO

Dum la cetero de julio, bv. ne atendi la alvenon de TA, ĉar la redaktoro
estos en Rusio--por la IJK! Do, atendu la reaperon de TA post ĉ. monato. 
Kaj, se vi partoprenos la IJK-on en Kovrov, mi vidos VIN tie!!
_____________________________________________________________________________

TEJO-AKTUALE - Senpaga informletero de TEJO

 La ideo: <http://www.esperanto.org/tejo/publikajhoj/aktuale/koncepto.html>;.
 La arkivo: <http://www.tejo.org/tejo-aktuale>;.
 La aliĝo: <http://www.abonu.com/catalog/info.tejo>;
 Informojn kaj komentojn sendu al <aktuale-red@tejo.org>.
 La teamo de TEJO-aktuale estas:
 Jevgenij GAUS, Joel AMIS.
 Tiun ĉi numeron redaktis Joel AMIS.