Programoj de Esperanto-redakcio de Pola Radio

Esperanto Redakcio de Pola Radio,

Informas  pri kelkaj elektitaj programeroj de la nuna semajnfino:
06-08.06 2003

1)      La 06-an de junio  - vendrede,  en la rubriko "Homoj kaj Problemoj"
ni gastigas Werner Pfennig el Neubrandenburg kiu rakontas pri sia prelego
prezentita dum la 4-a Pomeria E-Renkonto en Szczenin,  Pollando kaj pri la
pola-germana amikeco pere de Esperanto, inter lia urbo kaj Koszalin.
Premiere la elsendo aŭdiĝas je la 17.00 GMT (la samtaga ripeto per
mallongaj ondoj okazas  je la 20.00 GMT). Post la satelita  emisio je la
21.00 horo okazas la enretigo de la programo, kiu estas aŭdebla kaj
elŝutebla dum la sekvaj 24 horoj, kaj poste rete konsultebla dum la tuta
semajno. La elsendo ripetiĝas la 4-an kaj 5-an fojojn dum la sekva tago je
la 10.30 kaj la 12.00 horoj  laŭ la mezeŭropa tempo, nur persatelite.

2)      En la sabata programo, la 07-an de junio aŭdiĝas nia kutima
sonmagazino "Esperanto ekspreso". En ĝi multe da loko okupas la aktivadoj
de kroataj esperantistoj. Unue ni prezentas la raporton de Spomenka Stimec
pri la 95-a jaro de Esperanto en Kroatio, sekve ni interparolas kun Maria
Beloŝevic - pri la 100-a pilgrimvizito de Johano Paŭlo la 2-a en Kroatio
kaj religiaj aktivadoj de la tieaj esperantistoj, krome pri aliaj aktivadoj
de  Maria Beloŝevic.

3)      Dimanĉe, la 08-an de junio  - ni kiel kutime renkontiĝas kun niaj
geaŭskultantoj kadre de "Leterkesto", citante opiniojn el iliaj
korespondaĵoj, konsiderante la problemojn de aŭdebleco, respondante kaj
rilatigante sin al konkretaj demandoj kaj temoj. Ĉi-foje ni prezentas
statistikon pri korespondaj kontaktoj kun nia redakcio en marto, aprilo kaj
majo. Ni sciigas ankau  la nomojn de la laureatoj de nia monata redakcia
konkurso pri la plej interesaj korespondaĵoj. Niaj gratuloj kaj modestaj
premioj direktiĝas pro aprilaj korespondaĵoj al Sac. Duilio Magniani en
Italio kaj Luiz Albert en Hispanio; pro majaj leteroj al Rolf Bergh en
Norvegio kaj al Pavel Mojzajev en Ukrainio.

Ni memorigas, ke E-Redakcio de Radio Polonia disaŭdigas ĉiutage sian elsendon kvar fojojn per mallongaj ondoj, satelito kaj interrete.

Ekde la 01 de januaro 2003 la premiera E-elsendo de Pola Radio estas aŭdigata je la 16.00 h (laŭ la Universala Tempo) per la mallongaj ondoj 41,26 metroj respektive 7270 kilohercoj kaj per la ondo 41,18 metroj respektive 7285 kHz . La ripeto okazas je la 19.00 UT per la ondo 41,18 metroj respektive 7285 kilohercoj.

La elsendo estas ripetata la saman tagon je la 20.00 UT nur satelite. Post ĝia emisio okazas la enretigo de la programo. La laŭvican fojon nur persatelite nia esperantlingva programo estas ripeta la sekvan tagon je la 09.30 UT.

Por aŭskulti per la mezaj ondoj necesas aldoni al la tempo laŭ UT 2 horojn. Ekzemple 13.30 + 2 h = 15.30

La satelita ricevo estas ebla per: Eutelsat II F - 6 - Hot Bird - 13 gradoj de la orienta latitudo; frekfenco 11,474 GHz, polarizado horizontala (H); subportanto 7,38 MHz

Eblas ĉiutage aŭskulti freŝan programon de Pola Radio en Esperanto. Oni povas uzi la hejmpaĝon de WRN - http://www.wrn.org aŭ rekte:

- kopii la sondosieron (~ 3 MBajtoj):

- ftp://usa.wrn.org/pol12.ra

aŭ

- tuj auŝkulti la sondosieron - http://www.wrn.org/audio/pol1_usa.ram

La unua metodo estas konsilinda, ĉar poste oni povos konservi kaj certe seninterrompe auŝkulti la dosieron. Ambaŭkaze oni bezonos instalitan Real Player http://www.real.com/ (aŭ kongruan samkapablan programon)

Ĉiu programo ne restas pli ol 24 horojn sur tiu loko.

Nia hejmpaĝo: http://www.radio.com.pl/polonia/esperanto_eo.asp

Sur niaj paĝoj ni afiŝas ĉiutage la tekstojn de niaj informbultenoj.

Kelkfoje - pro la aktualigo - ili ne plene identas kun la sonversio de la informbultenoj.

Ni memorigas, ke multaj sonmaterialoj de la E-redakcio de Radio Polonia troviĝas ĉe la adreso de nia aŭstra aŭskultanto: Anton Oberndorfer: Lia retradio liveras ankŭ felietonojn de nia redakcio pri sociaj kaj socialaj temoj. Siajn servojn Anton Oberndorfer vastigis per dulingva versio de iuj felietonoj - esperanta kaj germana. Uzu kaj disvastigu esperantan ret-radion! http://start.at/retradio

Aŭskultu niajn elsendojn kaj nepre reagu! Ne forgesu, ke E-redakcioj de radiostacioj bezonegas ne nur notojn pri okazantaĵoj, sed ankaŭ simplajn reagojn kun opinioj kaj instigvortoj de la aŭskultantoj..

Ĉi tio estas aparte grava por ke la radio-estroj konstatu la amplekson kaj geografian diversecon de la aŭskultantaro. I.a. danke al tio E-fako de Pola Radio, ekzemple, ĝuas altan reputacion ĉe la pola nacia radio.

La rimarkojn pri la programoj E-Redakcio de RP atendas rete: esperanto.redakcio@radio.com.pl aŭ pietrzak@wa.onet.pl ; poŝte: Pola Radio, E-Redakcio, Al Niepodleglosci 77/85, 00-977 Varsovio, pk.46; telefone: (+48-22) 645-93-37, 645-93-58; fakse (+48-22) 645-59-17

Barbara Pietrzak
La estro de la E-Redakcio de PR