=================================================================
GAZETARAJ KOMUNIKOJ DE UEA
N-ro 173
2003-12-23
==================================================================

Nomumo de la nova Ghenerala Direktoro de UEA
-----------------------------------------------------------

Hierau, la 22-an de decembro, la estraro de UEA nomumis Ghenerala Direktoro s-ron
Osmo Buller. Al multaj legantoj la nomo estas konata. Temas pri la homo, kiu
ghis 2002 estis la Ghenerala Direktoro de UEA.

Osmo Buller, kiu antau du jaroj preferis alian laborlokon, nun estis inter la
kandidatoj por la posteno de Ghenerala Direktoro. Li daure sentas sin kun-respondeca
pri la bonfarto de la Esperanto-movado kaj tute aparte de Universala Esperanto-Asocio.
Cetere li agnoskas, ke kun la nuna estraro ja li povas kunlabori.

Neniam estis veraj malkonsentoj pri la ghenerala linio de la Asocio, kaj chiuj
koncernatoj fakte harmonie kunlaboris pri la preparado kaj efektivigo de la antaua
Kampanjo 2000 kaj de la nuna laborplano. Kaj la estraro kaj la nova Ghenerala
Direktoro agnoskas, ke la pasinteco estas konsiderinda fermita kaj la situacio
de ghenerala interkonsento en UEA povas esti konsiderata reakirita.

Kandidatighis por la funkcio de Ghenerala Direktoro kelkaj personoj kaj estis
kontaktoj kun potencialaj kandidatoj kaj el okcidenteuropaj landoj kaj el landoj
ekster Europo. La estraro ekzamenis la kvalifikojn de chiuj kandidatoj kaj ankau
la personan situacion, tute aparte en la kazoj de bezonataj labor-permesoj en
Nederlando.

La estraro agnoskas ke Osmo Buller havas plurjaran sperton pri la proceduroj
de la Centra Oficejo. Kvankam en la lastaj du jaroj la procedo de modernigo
de kelkaj fakoj en la oficejo kaj en la funkciado de la estraro mem kuntrenis
modifojn kaj pliajn automatigojn, la novelektita Ghenerala Direktoro povos facile
daurigi tiun procedon.

La estraro fidas la promeson de Osmo Buller plene sin dedichi al harmonia organiza
laboro kaj al senkondicha antauenigo de UEA kaj la Esperanto-movado.

Por la estraro:

La estrarano pri financo kaj administrado
Ans Bakker ten-Hagen

La prezidanto
Renato Corsetti