Informa Kanalo Abonu.Com

Preferindas tuj malfermi tiun ĉi leteron en retumilo - ĝi enhavas abonformon por novaj retlistoj, kaj kelkaj poŝtaj programoj, korekte montrante la leteron, ne kapablas korekte prilabori la abonformon.

Karaj abonantoj!

En la 3-a numero de la listo "Novaj retlistoj de Abonu.com" estas prezentataj:

 - La servo malfermiĝis por uzado
 - Ranglisto de retlistoj
 - Kiu lando estas la plej aktiva?
 - Ses novaj retlistoj
I. La servo malfermiĝis por uzado

La 15-an de septembro post sepsemajna prova periodo la Informa Kanalo Abonu.com malfermiĝis por uzado. Dum la prova periodo estis trovitaj kaj korektitaj multaj eraroj, la plej grava el kiuj estis, ke abonintoj de la retaj formoj ricevadis la petojn konfirmi en la angla kaj la rusa, anstataŭ Esperanto.

Laŭ la proponoj de la abonantoj estis grave ŝanĝitaj kaj plisimpligitaj la teknikaj mesaĝoj, sendataj dum la aliĝado.

Tiu laboro daŭros - tial bonvolu sendi viajn rimarkojn al la adreso de la administranto - andreo@abonu.com

II. Ranglisto de retlistoj

En la Informa Kanalo nun estas aboneblaj 13 retlistoj (ankoraŭ kelkaj estas testataj aŭ fermitaj por abonado). Jen la ranglisto de la plej popularaj el ili:

  1. Novaj retlistoj de Abonu.com (info.abonu) - 217 abonantoj (el entute 218 aktivaj)
  2. Kongresa Kuriero (esperanto.kuriero) - 62 abonantoj
  3. Gazetaraj Komunikoj de UEA (info.komunikoj) - 58
  4. Plej bonaj anekdotoj el la dissendo "Esperanto-anekdotoj" (distroj.anekdotoj) - 32
  5. REJM-info (info.rejm) - 22
  6. Art-Mozaiko (kulturo.mozaiko) - 21
  7. tejo-aktuale (info.tejo) - 21

La statistiko plene videblas ĉi tie: http://abonu.com/rating

III. Kiu lando estas la plej aktiva?

Inter la abonantoj de Abonu.com la plej multaj nun estas posedantoj de rusiaj retadresoj - 23 personoj, sekvas brazilanoj - 21 personoj, Germanion reprezentas 14 personoj, Usonon - 11, po 10 abonantoj estas de Italio, Francio kaj Litovio.

Entute por hodiaŭ la Informa Kanalo havas 225 abonantojn (inkluzive de kelkaj ankoraŭ ne konfirmitaj) el 40 landoj, el EU kaj kvar nedifinitaj retoj.

La statistiko plene videblas ĉi tie: http://abonu.com/stat/g.html

IV. Estas malfermitaj novaj retlistoj
Klarigo Kiel ekaboni? sekvas post la priskriboj de la retlistoj.

Metu noton, se vi deziras ekaboni tiun ĉi retliston
Retlisto 1: Programoj de E-redakcio de Radio Polonia
Kodo: info.polonia
Aperritmo: 1-2 foje semajne
Por vi verkas: redaktoro Barbara Pietrzak
 
Priskribo:
Pri kio rakontos Radio Polonia en Esperanto dum
tiu ĉi semajnfino? Pri tio rakontos la vendreda
dissendo de la retlisto. Dum la aliaj tagoj aperos
elektitaj tekstoj de jam disaŭdigitaj elsendoj -
se vi ial ne sukcesis ilin aŭdi, vi povos ilin tralegi.
Aŭskultu kaj legu la programojn de la E-redakcio de
Radio Polonia! Skribu al ĝi: 
esperanto.redakcio@radio.com.pl - sendu viajn kontribuojn
por la novaj programoj kaj opiniojn pri la okazintaj.

Metu noton, se vi deziras ekaboni tiun ĉi retliston
Retlisto 2: Ĉiutagaj aktualaĵoj de Pola Radio
Kodo: socio.polonia
Aperritmo: ĉiutage
Por vi verkas: E-redakcio de Pola Radio

 
Priskribo:
Ĉiutagaj politikaj kaj sociaj novaĵoj, disaŭdigataj
de Pola Radio en pluraj lingvoj, inkluzive de Esperanto.
Pere de Abonu.com ili regule venados al via poŝtkesto -
samaspekte, kiel ili aperas en la retpaĝo de la Pola Radio. 
La novaĵoj ne havas rilaton al Esperanto, krom ke ili
estas en Esperanto. Ili respegulas la politikajn vivon
kaj vidpunktojn de la Pola ŝtato.

Metu noton, se vi deziras ekaboni tiun ĉi retliston
Retlisto 3: Viva magio. Kiel transformadi la mondon propravole
Kodo: filozofio.simoron
Aperritmo: ĉiusemajne
Por vi verkas: Magiisto Vera 

Priskribo:
La mondo ĉirkaŭ ni estas kreita de nia interna sinteno.
Kiam ni tristas, la mondo iĝas griza. Kiam ni ĝojas,
ekkantas birdoj, eklirlas rojoj, ekflirtas papilioj,
aperas suno en la ĉielo... En la retlisto ni lernos
transformi la mondon iam ajn, kiam necesas. Kaj tio
VERE funkcias!
Metu noton, se vi deziras ekaboni tiun ĉi retliston
Retlisto 4: Vegetarismo: komforto sen perforto
Kodo: sano.vegetarismo
Aperritmo: 2-foje monate
Por vi verkas: gvidanto Jelena Katajeva
 
Priskribo:
Retlisto por vegetaranoj kaj "simpatiantoj". En ĝi vi
povos legi diversajn kuirreceptojn de vegetaraj manĝaĵoj,
priskribon de uzataj komponentoj (spicaĵoj k.a.), teoriajn
sciojn pri vegetarismo, kaj multajn aliajn informojn,
iamaniere ligitajn kun vegetarismo.

Metu noton, se vi deziras ekaboni tiun ĉi retliston
Retlisto 5: EKS: Esperanto Koresponda Servo
Kodo: hobioj.kor
Aperritmo: unufoje monate
Por vi verkas: kunordiganto Enrique ELLEMBERG

Priskribo:
EKS ĉiumanate publikigas listojn de esperantistoj,
serĉantaj esperantistajn korespondantojn. La samaj
informoj aperas ankaŭ en kelkaj aliaj listoj, i.a.
soc.culture.esperanto kaj en retpaĝo
http://members.aol.com/enrike/ekspeto.htm
Por anonci vian adreson skribu al la kunordiganto
Enrique ELLEMBERG - enrike @ aol.com - nepre kun
la indiko "EKS" en la temlinio!

Metu noton, se vi deziras ekaboni tiun ĉi retliston
Retlisto 6: Agni-Jogo
Kodo: filozofio.agni
Aperritmo: ĉiusemajne
Por vi verkas: redaktoro konkordo

Priskribo:
Chi tiu dissendo estas dedichita al Doktrino,
nomata Agni-Jogo au Viva Etiko. Ghi estas vaste konata
en Rusio, sed malmulte konata en aliaj landoj
(por plia informo ruse au angle vizitu retpagharon www.sangha.net ).
Agni-Jogo estas diktita de plej saghaj Homoj - Himalajaj Mahatmoj
- al rusa familio Rerihh en 1920-30-aj jaroj. En la dissendo
estos publikigataj fragmentoj el Agni-Jogo, eltirajhoj el leteroj
de Jelena Rerihh, demandoj de legantoj. Bonvenon kaj agrablan legadon!

Por ekabono de la novaj retlistoj:
(Se la formo ne funkcias, malfermu tiun ĉi leteron en retumilo)

  1. Notu pli supre la deziratajn retlistojn
  2. Indiku vian retadreson por la abono
  3. Premu tiun ĉi butonon

    (Se tiumomente vi ne estas konektita al Interreto, vi bezonas konektiĝi por la abonado okazu)

Vi povas ekaboni tiujn ĉi kaj estonte aliajn retlistojn en la Informa Kanalo Abonu.com anakŭ per aliaj manieroj: 

Plenrespekte,
                  Andrej Grigrojevskij  (andreo@abonu.com)
http://abonu.com/
Retadreso: demandu@abonu.com 		Malabonu