Informa Kanalo Abonu.Com 
Karaj abonantoj!

En la 2-a numero de la listo "Novaj retlistoj de Abonu.com" estas prezentataj:

 - Statistiko de Abonu.com.
 - Respondoj al la plej oftaj demandoj.
 - Kvar novaj retlistoj.
 - Unu ŝanĝita retlisto.
I. Statistiko de Abonu.com

La 5-an de septembro Abonu.com havis 116 aktivajn abonantojn. Ankoraŭ 122 personoj registris sin en la Informa Kanalo, sed poste ne konfirmis, ne respondinte al la aŭtomata letero, sendita al la indikita dum registrado retadreso. La kialoj estas esplorataj.

La plej granda parto de la abonantoj elektis kodigon UTF-8 - 89 el 116. Sekvas x-kodoj - 17 abonantoj, ^-kodoj - 6 abonantoj kaj finas la liston Lat-3 - 4 adeptoj. 90 personoj elektis por la leteroj formaton HTML, 26 - tekston.

La plenan statistikon pri formatoj kaj kodigoj vi povas trovi ĉi tie: http://www.abonu.com/stat/i.html

Kaj ĉi tie: http://www.abonu.com/stat/g.html vi trovos laŭlandan statitikon. Plejmultas brazilanoj!

II. Respondoj al la plej oftaj demandoj

Kiel ŝanĝi la kodigon de la abono?

Vi bezonas eniri la retejon, entajpinte vian uzantnomon kaj pasvorton, poste elekti punkton "Agordo de la abono", en ĝi trovi punkton "Formato de abono" kaj elekti la pli taŭgan por vi kodigon. Se vi ne certas, kiun kodigon via retpoŝtilo povas plej bone legi, vi povas testi ĝin, enirinte punkton "Elekto de kodigo". Al vi estos senditaj testaj leteroj en ĉiuj subtenataj de Abonu.com formatoj kaj kodigoj.

Ŝanĝi la formaton vi povas ankaŭ per retpoŝta ordono. Por tio vi bezonas sendi al la retadreso abonu@abonu.com jenan ordonon en la korpo de la letero:

FORMAT via@ret.adreso viapasvorto text utf8

Post tio ĉiuj listleteroj atingos vian poŝtkeston en la teksta formato, unikode. Anstataŭ 'text' povas esti 'html'. Anstataŭ 'utf8' (unikodo) povas esti 'ikse' (x-kodoj), 'lat3' (Latin-3), 'ktrl' (^-kodoj). Tion vi devas elekti mem.

III. Estas malfermitaj novaj retlistoj
Klarigo Kiel ekaboni? sekvas post la priskriboj de la retlistoj.

Metu noton, se vi deziras ekaboni tiun ĉi retliston
Retlisto 1: REJM-info
Kodo: info.rejm
Aperritmo: unufoje monate
Por vi verkas: redaktoro Vitalik Malenko
Priskribo:
REJM-info estas rubriko de REGo (Rusia Esperanto-Gazeto) kaj aperas
paperforme en ĉiu numero de REGo. Ĉi-retlisto plene ripetas ĉiujn
materialojn el paperforma REJM-info kaj foje enhavas kelkajn pliajn.

La retlisto povas esti interesa por ĉiuj, kiuj scivolas pri Rusio,
rusia junularo, REJM kaj ĝiaj problemoj.

Metu noton, se vi deziras ekaboni tiun ĉi retliston
Retlisto 2: Art-Mozaiko
Kodo: kulturo.mozaiko
Aperritmo: 2-3-foje dum monato
Por vi verkas: Gvidanto Mevo

 
Priskribo:
La retlisto enhavos la plej diversajn materialojn, interesajn por multaj.
Temos pri kulturo, kulturaj novaĵoj, kino-arto, literaturo, interesaj
homoj kaj pri multaj aliaj interesaĵoj. La gvidanto preparas nur HTML-an
version, do li ne respondecas pri la aspekto de la teksta. Prefere abonu
la HTML-an version.

Metu noton, se vi deziras ekaboni tiun ĉi retliston
Retlisto 3: Plej bonaj anekdotoj el la dissendo "Esperanto-anekdotoj"
Kodo: distroj.anekdotoj
Aperritmo: ĉiusemajne
Por vi verkas: prizorganto Konstanten Krysakov

Priskribo:
Jam du jarojn ekzistas la listo "Esperanto-anekdotoj". En ĉi-retlisto
estos ĉiusemajne prezentataj la plej bonaj (el la freŝe senditaj)
anekdotoj el tiu listo.
Metu noton, se vi deziras ekaboni tiun ĉi retliston
Retlisto 4: tejo-aktuale
Kodo: info.tejo
Aperritmo: ĉiusemajne
Por vi verkas: redaktoro Giuseppe Castelli
TTT-ejo: http://www.tejo.org/tejo-aktuale 
Priskribo:
TEJO-aktuale estas retpoŝta informilo de Tutmonda E-ista Junulara
Organizo (TEJO). Ĉiu povas aboni ĝin senpage. Ĝi aperas ĉiun
lundon kaj enhavas nur koncizajn, konkretajn informojn pri la junulara
E-movado kaj ligojn al interesaj retpaĝoj. Oni povas libere sendi
novaĵojn koncerne junularan E-vivon laŭ la adreso:
tejo-aktuale-red@esperanto.org.

Ŝanĝita priskribo de retlisto

Metu noton, se vi deziras ekaboni tiun ĉi retliston
Retlisto 5: Kongresa Kuriero
Kodo: esperanto.kuriero
Aperritmo: unu foje monate, ĉiutage dum UK
Por vi verkas: Teamo de UEA-informantoj
Retadreso: reto@uea.org
TTT: http://www.uea.org/kongresoj 

Priskribo:
Novaĵoj pri organizado de la preparata Universala Kongreso, listoj de 
novaliĝintoj, utilaj informoj. Tiujn informojn provizas la Konstanta 
Kongresa Sekretario. Dum la jaro ĝi aperas unufoje monate, dum la kongresa
semajno la retlisto aperas ĉiutage - surbaze de la Kongresa Kuriero de la
UK.

Por ekabono de la novaj retlistoj:
(Se la formo ne funkcias, malfermu tiun ĉi leteron en retumilo)

  1. Notu pli supre la deziratajn retlistojn
  2. Indiku vian retadreson por la abono
  3. Premu tiun ĉi butonon

    (Se tiumomente vi ne estas konektita al Interreto, vi bezonas konektiĝi por la abonado okazu)

Vi povas ekaboni tiujn ĉi kaj estonte aliajn retlistojn en la Informa Kanalo Abonu.com: 

Plenrespekte,
                  Andrej Grigrojevskij  (andreo@abonu.com)
http://abonu.com/
Retadreso: demandu@abonu.com 		Malabonu